Победи на фаворитите во првите два меча од денешната програма во ЛШ. Баерн Минхен славеше на секогаш жешкото гостување, за било која екипа, во Истанбул кај Галатасарај со 1:3. Домаќините беа во егал само првите 45 минути, кога беше 1:1.
Баерн поведе со голот на Коман во 8-ма минута, а израмни Мауро Икарди во 34-та минута од пенал и тоа со „паненка“. Но, во вториот дел Хари Кејн 73-та и Мусиала 76-та погодија за 1:3 и победникот беше решен.
Мечот од оваа Група А помеѓу Манчестер Јунајтед и Копенхаген се игра вечерва.
На вториот меч кој се играше во раниот термин од 18:45 Интер славеше против автриски Салцбург со 2:1 во Милано. Потешко од очекувањата минатогодишниот финалист во ЛШ го совлада противникот. Алексис Санчез во 19-та му донесе предност на Интер, а израмнувањето стигна во 57-та преку Глук. Сепак, седум минути подоцна Чалханоглу постигна гол од пенал за 2:1, па и покрај шансите на двете страни, резултатот остана непроменет.
Од оваа група вечева играат Бенфика и Реал Сосиедад.
