Де Хеа се враќа во Јунајтед по само три месеци | Екипа

Како „бомба“ одекна информацијата  дека Давид де Хеа би можел да се врати во редовите на Манчестер јунајтед.

Ерик тен Хаг пред почетокот на сезоната го доведе Андре Онана со кој соработуваше во Ајакс, со што го стави шпанскиот голман во втор план.

Онана пристигна од Интер за 47 милиони фунти. Во моментов игра наизменично, а на последниот натпревар забележа одлична интервенција, бидејќи ги спаси „црвените ѓаволи“ на натпреварот против Копенхаген во Лигата на шампионите, откако одбрани пенал во седмата минута од судиското надополнување.

Како што стојат работите, Онана нема да може да му помогне на Јунајтед во јануари кога ќе му се приклучи на Камерун за Африканскиот куп на нации. Де Хеа не најде работа по заминувањето од Јунајтед па затоа сега е прва опција да му се приклучи на клубот.