Петровски: Главна цел ни е плеј-офот, горд сум на најмладиот тим во Суперлигата (ВИДЕО)

Тимот на Еурофарм Пелистер 2 со работен состанок и прв тренинг означи почеток на сезоната 2023/24. Новиот тренер на тимот, младиот стратег Михаил Петровски, заедно со неговиот асистент Васко Димитровски, ја одработија првата тренинг сесија во спортската сала „Боро Чурлевски“.

Младиот тренер ја најави сезоната и очекувањата.

„Имам голема одговорност затоа што наследувам одлична екипа. За мене ова ќе биде сатисфакција и шанса за докажување. Можеби ќе ја предводам најмладата екипа во шампионатот, која има просек 19 години. Сакам да напоменам дека од 23 ракометари кои што се во ростерот, дури 16 се битолчани. Наидов на млада екипа која што сака да се докажува, која што сака да тренира, да работа и е желна за победи. Целите се исти и оваа сезона – тоа е пласман вo плеј-офот“, изјави Петровски.

Главната цел на младиот тим од Битола ќе биде иста како и во претходните три сезони, а тоа е пласман во плеј-оф фазата од суперлигашката конкуренција.