Битолската гордост Пелистер го промовира првото зимско засилување за втората полусезона во ВМФЛ.
Новајлија во тимот е искусниот Вилдан Керим, кој претходната полусезона ја мина во редовите на Детонит Плачковица29-годишниот фудбалер кој главно дејствува по левата крилна позиција може да покрие и други позиции во офанзивата. Клубот преку социјалните мрежи ги израдува навивачите со потврдата на првото засилување во новата година.
![](https://fcpelister.com.mk/wp-content/uploads/2024/01/415995735_18017335969999632_3809367421967244649_n-1024x1024.jpg)
Инаку, Керим има солидно искуство и повеќе клубови во кариерата. Зад себе има настапи за турските клубови Караман, Силифке и Сарајону, во Косово играше за Дреница и Дукаѓини, додека во Македонија настапуваше за ФК Скопје. ФК Вардар и Гостивар пред да дојде во Детонит.
Амбициите на Пелистер се јасни, напад на една од првите две позиции и директен пласман во ПМФЛ за следната сезона.
![](https://fcpelister.com.mk/wp-content/uploads/2024/01/415980006_18017335960999632_6174809508226481934_n-1024x1024.jpg)